Օգոստոսի 24-25-ը Ծաղկաձորում տեղի է ունեցել «Լեռնային Ղարաբաղի փախստականների ինտեգրումը Հայաստանի վերլուծական և ՀԿ դաշտերում» ԺԱՏԿ ծրագրով նախատեսված երկրորդ դասընթացը։
Դասընթացի նպատակն էր մասնակիցներին փոխանցել գիտելիքներ, ունակություններ, որոնք կարող են պիտանի լինել ՀԿ ոլորտում աշխատանք գտնելու կամ սեփական ծրագրեր կազմելու և միջոցներ հայթայթելու համար։
Դասընթացի ընթացքում բանախոսել են Գևորգ Հայրապետյանը («Անձնական տվյալների պաշտպանություն»), Քրիստինե Ասատրյանը («Հաղորդակցման հմտություններ»), Անուշ Մանուչարյանը («Ինչպես կազմել գրագետ cv և պատրաստվել աշխատանքային հարցազրույցի»), Հայկ Հովհաննիսյանը («Ինչպես օգտվել արհեստական բանականության գործիքներից»), Տաթևիկ Թադևոսյանը («Ինչպես դիմել դրամաշնորհային ծրագրերի»)։
Բանախոսները տրամադրել են օգտակար ինֆորմացիա՝ մասնակիցների հետ քննարկումներով և հարցերով։
Ծրագիրն իրականացվում է «Եվրասիա համագործակցություն հիմնադրամի» ֆինանսական աջակցությամբ՝ «Ճգնաժամի հասցեագրում․Երկրոդ փուլ» նախագծի շրջանակներում։